ائمہ کی شان میں غلو، ائمہ کے قیاس سے رب راضی،امام الانبیاءﷺکے قیاس سےنہیں

بسم اللہ الرحمن الرحیم

بعض حضرات ائمہ کی شان میں اس حد تک غلو کے شکارہیں کہ انہیں تمام خطاؤں سے محفوظ مانتے ہیں ، چنانچہ ایک صاحب لکھتے ہیں:
’’

علما ئے دین کے اعلی کارنامے چودہ صدی سے چلے آرے ہیں ،مگرلغزش قلم وفلتت لسان سے محفوظ رہنا یہ اپنے بس کی بات نہیں ،زورقلم میں بکثرت تفردپسندی میں‌ آگئے، بعض تجددپسندی میں اترآئے ،تصانیف میں خودآرائیاں بھی ملتی ہیں ،لفظوں کے استعمال میں بھی بے احتیاطیاں ہوجاتی ہیں ،قول حق کے لہجہ میں بھی بوئےحق نہیں ہے،حوالہ جات میں اصل کے بغیرنقل ہی پر قناعت کی لی گئی ہے،لیکن ہم کواورہمارے ساتھ علمائے عرب وعجم کواعتراف ہے کہ یاشیخ محقق مولانا عبدالحق محدث دہلوی ،یا حضرت مولانا بحرالعلوم فرنگی محلی،یاپھراعلی حضرت کی زبان وقلم کا یہ حال دیھا کہ مولی تعالیٰ نے اپنی حفاظت میں لے لیا ہے اورزبان وقلم نقطہ برابرخطا کرے اس کوناممکن بنادیاہے(احکام شریعت ص۱۱مطبوعہ قادری کتاب گھر،سن اشاعت 1994ء)

‘‘

قارئین ایک طرف تواپنے امامو‌ں کے بارے میں یہ تصور کے ان کی زبان وقلم اوران کے قیاسات میں خطا کاامکان نہیں کیوں اللہ نے انہیں اپنی حفاظت میں لے لیاہے ،دوسری طرف امام الأنبیاء ﷺ کے بارے میں ان کاکیاخیال ہے وہ بھی ملاحظہ فرمائیے ،مفتی احمد یارخان صاحب لکھتے ہیں:

’’دیکھوحضورعلیہ السلام نے بدرکے قیدیوں سے محض قیاس پرفدیہ لیا۔ پھرآیت اس کے خلاف آئی۔ معلوم ہواکہ اس قیاس سے رب راضی نہیں مگرارشاد ہواکہ فَكُلُوا مِمَّا غَنِمْتُمْ حَلَالًا طَيِّبًا وہ مال کھالوحلال طیب ،معلوم ہوا کہ خطاء اجتہادی پرکوئی پکڑ نہیں‘(جاء الحق:ص 37مطبوعہ اسلامک پبلشردھلی سن اشاعت 2003ء)

‘
قارئین کرام غورفرمائیں کہ انہیں یہ بات تسلیم ہے کہ امام الأنبیاء رسول اللہ ﷺ سے اجتہادی غلطی ہوسکتی ہے اورآپ ﷺکاکوئی قیاس غلط ہوسکتاہے،مگران کے ائمہ سے کسی غلطی کاصدور ناممکن ہے اوران کوئی قیاس غلط ہوہی نہیں‌سکتا، کیونکہ اللہ نے انہیں اپنی حفاظت میں لے لیاہے۔

..

آج حالت یہاں تک پہنچ گئی ہے کہ لوگ اماموں‌ کا رتبہ اللہ سے بھی بڑھا رہے ہیں،مثلا:
ایک صاحب عنوان قائم کرتے ہوئے لکھتے ہیں:

’’علم غیب کے عقلی دلائل اوراولیاء کے علم غیب کے بیان میں ‘‘
(جاء الحق:ص 83مطبوعہ اسلامک پبلشردھلی سن اشاعت 2003ء)

اوریہی صاحب آگے چل کراسی کتاب میں لکھتے ہیں:

’’مولوی حسین علی صاحب داں بھچروالے جومولوی رشید احمد صاحب کے خاص شاگردہیں اپنی کتاب بلغۃ الحیران میں زیرآیت يَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُبِينٍ لکھتے ہیں کہ خدا کو ہر وقت مخلوقات کے اعمال کاعلم نہیں ہوتا بلکہ بندے جب اعمال کرلیتے ہیں تب علم ہوتاہے اب توعلم غیب خداکی صفت رہی ہی نہیں پھرکسی کو علم غیب(؟)ماننا شرک کیوں ہوگا‘‘(جاء الحق:ص 135مطبوعہ اسلامک پبلشردھلی سن اشاعت 2003ء)

قارئین غورکریں ! ایک طرف تو اولیاء کے لئے علم غیب ثابت کرنےکی خاطر باقائدہ عنوان قائم کرکے بحث کی جارہی ہے اوردوسری طرف اللہ تعالی کے علم غیب کا انکار کیاجارہا ہے، یعنی اولیاء کامرتبہ اللہ سے بھی بڑھادیا، نعوذ باللہ من ہذہ العقائد ۔